Titlee jo ek mujh ko mili thi kitaab main,
Woh apna aks chore gayi mere khuwaab main,
Ab tak woh mere zehen main uljha sawaal hai,
Shaamil rahi jo har ghadi mere nisaab main,
Aankhon main neend hai na koi khuwaab door tak,
Rehte hain hum bhi aaj kal waise azaab main,
Milta hai gardishon se gale lag ke chaand bhi,
Aaye the simat ke faasle kitne saraab main,
Aakhir meri wafa ka mujhe kya sila mila,
Likha na aik harf bhi us ne jawaab main.
